ஆராய்ச்சிக்குரியது!. அனுபவம் ...

அனுபவம் ...

வயதினால்,
வறுமையால்,
எதிர்பார்ப்பால்,
ஏமாற்றத்தால்,
ஏற்றத்தால்,
செம்மையால்,
சினத்தினால்,
அவசரத்தால்,
அவமானத்தால், 
இயலாமை,
முயலாமை,
இவை எவற்றால்?.
எதனால் வருவது?.
அனுபவம்.
இவை அனைத்தாலுமா?.

ஆராய்ச்சிக்குரியது!. 
அனுபவம்.    
     

முஷ்டாகின் பதில்கள் .2.

முஷ்டாகின் பதில்கள் .2.

என் கேள்வி:
நன்றாக படித்த,உழைக்கத் தயங்காத நீங்கள், சிக்கனமாய்
இருந்து வீடு கட்டியிருக்க கூடாதா?.

திரு முஷ்டாக்:
வீடு இல்லை தமக்கென ,வருஷம் இருபதாச்சுது,
மாடு போல உழைச்சு, கையும் காலுமசந்து போச்சுது .
பாடுபட்டுப் பரிதவிச்சும், பயனுமில்லா தாச்சுது.
ஏடு படிச்சு, என்ன லாபம்?. என்றும் வறுமை ஆச்சுது.

ஆறு மாதம் தவமிருந்து, ஆறு நூறு சேமிப்போம்,
ஆறு போல செலவு வந்து, அடித்துக் கொண்டு போய்விடும் .
கடனை வாங்கி,  உடனை வாங்கி, ஜால வித்தை காட்டுவோம்.
கடனை தீர்க்க கடனை வாங்கி நாளும் பொழுது ஓட்டுவோம் .

என் கேள்வி :
 14ஆண்டு சவுதி வாழ்க்கைக்கு பிறகு தற்போது உங்கள் நிலை
என்ன?.
 
திரு முஷ்டாக்:
உண்ண ஏதும் குறைவில்லை.நுழைந்திடாத கடையில்லை,
எண்ணம் போல,குவித்த பொருட்கள், நிறுத்து பார்க்க எடையில்லை.
மண்ணகத்தில் மனையை வாங்கி, வீடு கட்டத் தடையில்லை.
கண்ணைப் போன்ற மக்கள் படிக்கக், கொடுக்க பணம்,முடையில்லை.

பாலை,எந்தன் பாலன் காண, பாலைவனத்து வாழ்க்கையாம்.
சேலை எந்தன், மனைவி வாங்க ,காலை மாலை வேலையாம்.
மாலை எந்தன், மகளும் காண, வேலை ஏதும் செய்குவேன்.
வேலை ஒன்றில், மகனும் சேர, இரவும் வேலை பண்ணுவேன் .

          ( வினாவும் விடைகளும் இன்னமும் தொடரும் ...)        


                       

வறுமையின் நிறம்..

வறுமையின் நிறம்..

நித்தம் பருப்பும் பாயசமும் இல்லாத உணவு,

கோடையை தணிவிக்க இல்லை, குளிர் சாதனம்.

சொகுசாய் பயணம் செய்ய, கார் கூட இல்லா கஷ்டம்,

பகட்டாய் உடுத்தவும், பவனி வரவும் வசதி இல்லை. 

கொடிதினும் கொடிது என் வறுமை.

பரந்த கனவுகளில் விரிந்த என்  எல்லைக்  கோடுகள்.

நனவாக்க நான்,  பணம் நாடி ,பிரவேசம் பரதேசம்.

பாலைவனம், பரந்த மணல்வெளி, கானல் நீர்,

காதலி போல் கன்னத்தை முத்தமிடும் அனல் காற்று.

மூச்சை முட்டச் செய்யும் புழுதிப் புயல்,

அரேபியாவில் ஆயிரத்தொரு இரவுகள்,

கழிந்தால், கனவுகள்  நனவாகலாம்.